《小传日记》六连跌转升，缸友好心情；股仔急上落，大象最精灵！

　　《小传日记》中港鱼缸经历几日大跌市之后，今日（８日）终于可以过个「Ｈａｐｐｙ　
Ｆｒｉｄａｙ」，香江「六连跌」嘅噩夢總算可以告一段落。除咗早幾日跌到「摊摊腰」嘅中資
股，好似铁路、金融、祖国砖头等都收复番部分失地之外，重磅股大象（００００５）亦都发功
，努力推高个市。另一方面，孖屐传出「深港通」最快今个月内公布，抵销咗祖國４月份口数
据唔靓仔嘅影响，成功为鱼缸冲一冲喜。
　　结果Ａ仔场踢番高逾２巴仙收４２０５点嘅帶动下。香江喺大象（００００５）、内银同平
保（０２３１８）等带动下，都有２８７点或１巴仙进帐，收报２７５７７；国货就仲巴闭，弹
高２８７点或２巴仙，收１４０４９。
　　不过，香江鱼缸就仲未上番廿天线（约２７８２１），而且成交都少咗十个巴仙有多，约
１３９１亿银，睇嚟好友仍需努力呀！

＊中港齐反弹缸友畀个赞，传双马撑场９６６好栈＊

　　鱼缸连跌６日后止血，噚日（７日）中国太平（００９６６）配股集资近１３５亿银，股价
都受到Ｄ沽压。谁不知噚日收市之后，就传出原来「双马」（马化腾、马云）都有份接货，听到
「双马」入股，唔理系真定系假，缸友都忍唔住买番几手，希望搭转顺风，将股价最多推高逾
１７巴仙，埋单都有逾９巴仙进帐，收报３１银。
　　不过有时真系同人唔同命，光汇石油（００９３３）折让配股，且又盛传国家队嘅社保基金
系承配人之一，点知都系无助股价造好，全日逆市唔见近５巴仙收报２．３９银。
　　重磅股大象畀野村升目标价至约８０银左右，今日表现都唔错，泊住渣打（０２８８８）齐
齐升超过２巴仙，收报７６．５５银同１２５．４银。可能系庆祝米字国大选，保守党暂时得票
畀预期好，当地股汇都抽高庆贺！

＊光汇搞批荡粉丝心在酸，大象与渣打踢高货大选？＊

　　有报道话，国务院日前已经就「深港通」拍板，家阵就等中证监同香江证监倾埋Ｄ细节，最
快呢个月公布，今年第四季正式上马。喺高位徘徊一段時間嘅中資券商都叫有啲睇頭，其中大只
佬中信证券（０６０３０）上月多赚超过八成，刺激股价踢高近４巴仙，收报３３．２银。街坊
银证（０６８８１）同中州证券（０１３７５）分别踢高近４同５巴仙。噚日畀瑞信升级至「跑
赢大市」同升目标至３０．６银嘅光大控股（００１６５），都有近１２巴仙进帐。细细粒嘅香
江券商股仲有镬气，中国富强金融（００２９０）就炒高逾１５巴仙，海通国际（００６６５）
冲高逾一成，劲！
　　每逢有「深港通」消息，例牌会炒作ú鸺洘硐颞t股。洛阳玻璃（０１１０８）同新华制药
（００７１９）分别踢高逾１５同近１７巴仙。反而Ａ股较Ｈ股溢价最嘅浙江世寶江世宝
（０１０５７）略为逊色，但仍有逾１１巴仙升幅，收报１３．９银。

＊深港通快通券商好好好，ＡＨ炒差价缸边齐寻宝＊

　　大市连跌六日，嚟個靚反彈一Ｄ都唔奇。今日个场哗哗嘅，係幾隻股仔嘅「驚人」表现。
　　就嚟雨季，自然遮不离手。半新丁集成伞业（０１０２７）啲遮受唔受欢迎就唔知，但公司
股份就好受欢迎，今日曾抽升逾七成，但回落至升约４５％报１５．９银之后中途停赛，唔知有
咩消息公布呢？！
　　飞尚无烟媒（０１７３８）今日都曾经狂飙３倍至５１银，虽然之後發咗不明升因，但最尾
埋单仲有近９２巴仙入袋，见２４．４银，已经相当犀利！
　　不过，讲吸睛点都唔够恩达（０１４８０）劲！由星期三（６日）开始，每日都发一份不明
升因，前两日股价已经累升２倍，点知今日竟然直飞去１０２蚊嘅高峰，做咗六分鐘「红底股」
咁多啦！不过短短一日内爬到咁高，结果患上「高山症」，最尾即刻倒插番逾四成巴仙，收报
１７．４４银，成交超过３亿银，就算无货喺手，睇都睇到心血少！
　　事安（００３７８）成功配股恢复公众持股量，复赛后飞高近８７巴仙，见２．７３银。而
下周三（１３日）放榜嘅中國新电信（０８１６７）表现同样惊人，逾３亿银炒高４５巴仙，报
１．３１银。

＊股仔大上落恩达吓亲人，巴巴营收好囝囝有荣焉＊

　　世上不单只有妈妈好，有「巴巴」嘅孩子都可以像个宝！阿里巴巴再度剥班大行牙，季度营
收升４５巴仙至２８亿美金，比班大行预测嘅靚仔。「巴巴」表现好，囝囝开心庆祝！阿里健康
（００２４１）涨１１巴仙，报１１．６８银。兄弟阿里影业（０１０６０）埋单都有４巴仙落
袋。
　　班疏堂亲戚都有份加入呢个派对，中动向（０３８１８）同海尔电器（０１１６９）都有５
至７巴仙嘅升幅，即使遭ＧＩＣ减持嘅銀泰商業（０１８３３）同享喜悦，仲走高１２巴仙，创
近年半新高添！
　　阿里巴巴嘅競争对手ＱＱ（００７００）见对手首季表现唔错，都未惊过！下周三就放首季
成绩单，股价一度升逾３巴仙，不过收市就得番０．７巴仙报１５４银！假期愉快，请请！

　　《编者按》本栏搜罗即日热门传闻，惟消息未经证实，《经济通》亦不保证内容之准确性
　　　　　　　本文只供参考之用，并不构成要约、招揽或邀请、诱使、任何不论种类或形式之
　　　　　　　申述或订立任何建议及推荐，读者务请运用个人独立思考能力自行作出投资决定
　　　　　　　，如因相关建议招致损失，概与《经济通》、编者及作者无涉。